Banda muzikore e Shkodres përcjell dirigjentin e saj prej më shumë se 30 vite: Lamtumirë Mjeshtër Kujtim Alija!
Nga OraNews Përditësimi i fundit 28 Gusht 2021, 11:48
Shkodra i jep lamtumirën sot dirigjentit pedagogut dhe organizatori i palodhur i Festivalit Mbarëkombëtar të Fëmijëve në Shkodër.
Banda muzikore e Shkodres e përcolli për në banesen e fundit ashtu siç i ka hije dirigjentin e saj prej më shumë se 30 vite.
Ndërkohë u bënë homazhe në teatrin “Migjeni” .
Mjeshtri i Madh u nda nga jeta dje në moshën 60-vjeçare, pas një sëmundje të rëndë me të cilën u përball.
Edicioni i 59-ë të Festivalit të Fëmijëve në Shkodër, ishte hera e parë në dekadat e fundit, kur ai nuk i drejtoi fëmijët, dhe hera e fundit kur Profesori siç e thërrsnin doli në publik.
Krerët e shtetit, artistë e qytetarë përcollën vlerësime në rrjetet sociale dhe i bënë homazh jetës dhe punës së Kujtim Alijës.
