Tragjedia në rrugë, momenti kur nxirret nga gremina furgoni ku humbën jetën 5 persona

Nga OraNews Përditësimi i fundit 27 Gusht 2021, 10:40

Ky është momenti kur furgoni i linjës Sarandë- Tiranë, ku  humbën jetën 5  persona, nxirret nga gremina.

Tërheqja e mjetit u bë e mundur vetëm në mesnatë, disa orë pas aksidentit.

Nxjerrja e furgonit kërkoi  mjete  të posaçme  pasi  terreni  ku ra ishte  tepër  i vështirë.

Ekspertiza teknike  do të  jetë  ajo  që  do të  vlerësojë forcën e goditjes që shtyu  mjetin poshtë  urës.

Policia firmosi sot urdhërndalimin për 22 vjeçaren italiane që ishte shofere e fuoristradës të përfshirë në aksidentin tragjik të ndodhur pasditen e djeshme në Qafën e Muzinës.

Ndaj saj është ngritur akuza për shkelje të rregullave të qarkullimit rrugor. Vajzat italiane kanë deklaruar në polici se furgoni e mori kthesën gjerë dhe shoferja e fuoristrades frenoi për të shmangur përplasjen, ndërsa makina rrëshqiti nga lagështia

Pesë persona humbën jetën në aksidentin që ndodhi ne aksin Sarandë Gjirokastër pasditen e 26 gushtit 2021 ndërsa 4 persona mbetën të plagosur.

Viktimat e aksidentit

1- Bardhyl Proda  51 vjeç  banues në Sarandë – Shoferi

2- Fiqiri Korça, 77 vjeç, banues në Tiranë  - pasagjer furgoni

3- Dritë Korça, 72 vjeçe, banuese në Tiranë,  pasagjer furgoni

4- Tetiana Fediaieva, 48 vjeçe, banuese në Ukrainë pasagjer furgoni

5- Olesandr Fediaieva , 53 vjeç, banues në Ukrainë pasagjer furgoni

Emrat e të plagosurve


1- Greta Daberdini, 25 vjeçe banuese në Fier

2- Rexhina Çelhaga, 22 vjeç, drejtuese Land Rover

3- Ana Koskovila, 23 vjeçe banuese në Itali (pasagjere në Land Rover

4- Giulia Parimi, 22 vjeçe, banuese në Itali (pasagjere në Land Rover)