Sulmet në Kabul, 28 prej 90 viktimave janë talibanë: Kemi më shumë humbje sesa amerikanët
Nga OraNews Përditësimi i fundit 27 Gusht 2021, 07:42
Të paktën 28 anëtarë të talibanëve u vranë në shpërthimet në aeroportin e Kabulit, tha një zyrtar për agjencinë e lajmeve Reuters.
"Ne kemi humbur më shumë njerëz sesa amerikanët," tha zyrtari taliban, i cili nuk pranoi të identifikohej.
Pavarësisht kësaj, ai tha se nuk është nevoja që Shtetet e Bashkuara të zgjasnin afatin e tyre më 31 gusht, për të përfunduar evakuimet dhe tërheqjen e tyre.
Të paktën 13 ushtarë amerikanë dhe 90 njerëz u vranë në dy shpërthime jashtë periferisë së aeroportit të Kabulit të enjten mbrëma.
Një degë e grupit të Shtetit Islamik ka marrë përgjegjësinë e sulmeve.
