Britma e të qara/ Nuk ndalet kaosi në Kabul, raportohet për një shpërthim të tretë, të paktën 60 viktima

Nga OraNews Përditësimi i fundit 26 Gusht 2021, 21:06

Të paktën 60 persona u vranë dhe 140 të tjerë u plagosën në shpërthimet në aeroportin e Kabulit, tha një zyrtar i lartë shëndetësor për BBC.

Një shpërthim i tretë është dëgjuar teksa nuk dihen vendndodhja dhe pasojat e tij.

Mes të vrarëve janë edhe 10 trupa amerikane dhe burra, gra e fëmijë afganë që prisnin të largoheshin nga vendi.

SHBA ka akuzuar filialin e ISIS në Afganistan, Shtetit Islamik të Kharosanit si përgjegjës për dy shpërthimet e para teksa talibanët pranojnë se kishin paralajmëruar amerikanët për sulmet terroriste.