"U detyrohemi miqve tanë në nevojë" Rama u përgjigjet kritikëve për strehimin e afganëve
Nga OraNews Përditësimi i fundit 18 Gusht 2021, 12:00
Kryeministri Edi Rama i është përgjigjur kritikëve të cilët thonë se strehimi i afganëve është shërbim ndaj SHBA-së.
“Është shqetësuese të lexosh se Shqipëria po strehon afganët vetëm sepse na e kërkoi SHBA, aq është qesharake tu kthesh kurrizin atyre dhe të fajësosh SHBA-në vetëm.
Ne ishim të gjithë atje si NATO dhe këta njerëz ishin atje për ne, besonin në idealet për të cilat qëndrojnë SHBA dhe BE.
Shqipëria po merr përgjegjësitë si një vend i NATO-s. Ne mund të mos jemi të pasur por ne u detyrohemi miqve tanë afganë në nevojë, dhe i detyrohemi traditës sonë, të kaluarës sonë të afërt si refugjatë, dhe gjithashtu për kujtesën që fëmijët tanë do të trashëgojnë" shkruan Rama në një postim në twitter
Albania is doing it out of its responsiblity as a #NATO country and because of who we are.We may not be rich, but we owe it to our afghan friends in need, and we owe it to our tradition, to our own recent past as refugees, and also to the memory that our children will inherit.
— Edi Rama (@ediramaal) August 18, 2021
