Muaji gusht do të jetë i hapur për vaksinim masiv për çdo qytetar mbi 18 vjeç
Nga OraNews Përditësimi i fundit 13 Gusht 2021, 17:49
Ministria e Shëndetësisë bën me dije se muaji Gusht do të jetë i hapur për vaksinimit anti COVID për çdo qytetar +18 vjeç.
Për këtë arsye ministria e Shëndetësisë i bën apel qytetarëve të vaksinohen sa në parë, për të mbrojtur veten dhe njerëzit e afërt dhe për të frenuar përhapjen e virusit të rrezikshëm.
Ministria pohon se vaksinat anti COVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.
Prandaj, apelon që nëse dikush dyshon se është i prekur nga COVID19 apo ka shenja të sëmundjes, duhet të izolohet menjëherë dhe kontaktojë me mjekun e familjes për t’u testuar ose të telefonojë Urgjencën Kombëtare në numrin unik 127.
Në 24 orët e fundit nga 5,339 testime të kryera, rezultuan pozitivë me Covid19, 379 qytetarë, duke e çuar numrin aktive të të infektuarve në 2091.
