Një fabrikë e përpunimit të skrapit përfshihet nga flakët në Babrru, lëndohet zjarrfikësi
Nga OraNews Përditësimi i fundit 3 Gusht 2021, 14:41
Ora 15: 50 Ora News mëson se pronari i fabrikës së përpunimit të skrapit është Flamur Lahi. Flakët vijojnë prej më shumë se një orë. 4 zjarrfikëse po punojnë për izolimin e flakëve për të ndaluar përparimin në magazina të tjera, ku ka dhe bateri makinash. Një zjarrfikës është dërguar në spital pasi kishte probleme me asfiksinë.
Ora 15:00 - Rreth orës 14:30, në rrugën “Dine Hoxha” ka rënë zjarr në pikën e skrapit në pronësi të shtetasit F. L, ku ka vetëm dëme materiale informon policia.
Forcat zjarrëfikse ndodhen në vendngjarje dhe po punojnë për normalizimin e flakëve dhe fikjen e zjarrit.
Grupi hetimor punon për përcaktimin e shkakut të rënies së zjarrit.
Ora News po përcjell live zhvillimet
Ora 14: 40 Ora News raportoi live
Një fabrikë e përpunimit të skrapit mes zonës së Babrrusë e Paskuqanit është përfshirë nga flakët.
Brenda ka pasur dhe persona por fatmirësisht kanë arritur të evakuohen.
"Flakët kanë shpërthyer rreth orës 14:10 minuta" raporton gazetari i Ora News, Edison Vatnikaj i cili po raporton nga vendi i ngjarjes.
Gjithashtu po evakuohen dhe banorët e banesave afër kësaj fabrike.
