Në kërkim për plagosje me pasojë vdekjen në Itali, prangoset në Tiranë 42-vjeçari
Nga OraNews Përditësimi i fundit 20 Korrik 2021, 12:16
Një tjetër person në kërkim ndërkombëtar bie në prangat e Policisë së Tiranës.
Arrestohet përkohësisht, me qëllim ekstradimi drejt Italisë, 42-vjeçari i dënuar me 6 vite e 4 muaj për veprën penale "Plagosje e rëndë me pasojë vdekjen".
''Specialistët për Hetimin në Komisariatin e Policisë Nr.3, si rezultat i shkëmbimit të vazhdueshëm të informacioneve me ZQK Interpol Tirana, bënë të mundur kapjen dhe arrestimin me qëllim ekstradimi drejt Italisë të shtetasit Igli Malçi alias Arban Malçi, 42 vjeç, banues në Tiranë. Arrestimi i këtij shtetasi u bë pasi Gjykata e Assizës/ Itali e ka dënuar me 6 vite e 4 muaj për veprën penale "Plagosje e rëndë me pasojë vdekjen".'' - njofton policia.
Interpol Tirana, në bashkëpunim me Interpol Romën, vijon procedurat për ekstradimin e këtij shtetasi drejt Italisë.
