Foto nga falja e Kurban Bajramit në Durrës, qindra besimtarë luten në xhaminë e qytetit
Nga OraNews Përditësimi i fundit 20 Korrik 2021, 11:37
Sot besimtarët myslimanë festojnë festën e Kurban Bajramit. Drejtuesit fetarë dhanë mesazhe paqeje në këtë ditë feste.
Edhe në qytetin e Durrësit qindra besimtarë kanë falur mëngjesin e sotëm namazin e Kurban Bajramit. Shkallët dhe xhamia janë mbushur plot me besimtarë të të gjitha moshave.
Kurban Bajrami është ditë që lidhet me sakrificën që bëhet në emër të profetit Ibrahim dhe në këtë ditë besimtarët myslimanë flijojnë edhe një kafshë.
Sipas traditës islame, Kurban Bajrami nderon gatishmërinë e Ibrahimit të flijojë djalin e tij, Ismailin, si vepër e nënshtrimit ndaj urdhrit të Zotit, para se Zoti të ndërhyjë, përmes engjëllit të tij Xhebrailit dhe të njoftojë Ibrahimin se flijimi i tij është pranuar tashmë.
Emërtimi “Kurban Bajrami” në gjuhën shqipe është huazim nga turqishtja – Kurban Bayramë, që do të thotë “Festa e Flijimit”.
