Rikthehen shfaqjet teatrale, “Ferma e Kafshëve” premierë në datën 10 korrik
Nga Nertila Dosti Përditësimi i fundit 7 Korrik 2021, 22:50
Në Amfiteatrin e Liqenit të Tiranës po bëhen përgatitjet e fundit për shfaqjen “ Ferma e Kafshëve” të George Orwell.
Pas një viti e gjysmë shkëputje për shkak të pandemisë kjo është shfaqja e parë që ngjit në skenë aktorët e Teatrit Kombëtar dhe rikthen publikun përballë tyre.
Regjisorja, Driada Dervishi, e sjell të veçantë kryeveprën e Orwell, në një gjini të rrahur rrallë nga të tjerët.
Nertian Liçaj, ashtu si dhe aktorët e tjerë e pret mes emocioneve dhe entuziazmit këtë shfaqje, mesazhet e të cilës janë aktuale për çdo kohë e sistem.
Kolona zanore është kuruar mjeshtërisht nga Bojken Lako, i cili për herë të parë vjen edhe në rolin e narratorit.
“Ferma e Kafshëve” do të ketë premierën të shtunën e 10 korrikut.
Publiku do të mund ta ndjekë shfaqjen deri në datën 15 të këtij muaj ndërsa në shtator trupa e aktorëve do të nisë një turne në disa prej qyteteve të vendit.
