“Pusho në Lezhë!”, hapet zyrtarisht sezoni turistik pas pandemisë
Nga OraNews Përditësimi i fundit 25 Qershor 2021, 14:47
“Pusho në Lezhë” është slogani që do të shoqëroje qytetin, përgjatë sezonit veror post pandemisë.
Në një aktivitet ceremonial, Bashkia prezantoi gjithçka qe u ofron pushuesve.
"Askush më mirë se Lezha nuk ka kombinuar 4 zona të ndryshme nga njëra-tjetra, ku shumë pushues, emigrantë nga gjithë vendet e botës e gjejnë këtë vend si një nga vendet më të bukura të Shqipërisë," tha kryetari i bashkisë.
Reliev piktoresk, histori, ushqime tradicionale përbëjnë kartolinën verore te Lezhës. Ministri i turizmit Blendi Klosi, tha se kjo zone pret mysafire ne 12 muajt e vitit.
"Shëngjini i ka të gjitha mundësitë që të ketë një sezon 12 mujor. Lezha padyshim ofron turizëm në 12 muaj," tha Klosi.
Panairi “toke e det” me prodhime e gatimet lokale si dhe një koncert festiv ishte dhurata për vizitorët e mbrëmjes në Shëngjin.
