Elbasan, lojëra fati të paligjshme me telefon
Nga OraNews Përditësimi i fundit 25 Qershor 2021, 13:24
Gjashtë persona në Elbasan janë proceduar penalisht pasi ushtronin veprimtarinë e kundërligjshme të lojërave të fatit.
Shërbimet e policisë konstatuan katër subjekte që ishin përshtatur për zhvillimin e lojërave të fatit.
Janë proceduar penalisht për veprat penale “Organizimi i lotarive të palejuara” dhe “Fshehja e të ardhurave”, shtetasit:
Sh. P., 42 vjeç, banues në Elbasan, pasi nga kontrolli i ushtruar në ambientet e lokalit të tij iu gjet dhe sekuestrua në cilësinë e provës materiale një telefon që kishte të hapur faqe interneti për bastet sportive;
R. C., 49 vjeç, banues në Elbasan dhe S. B., 26 vjeç, banues në Fier, pasi nga kontrolli i ushtruar në ambientet e bar-kafes në pronësi të shtetasit R. C., iu gjet dhe sekuestrua në cilësinë e provës materiale një telefon që kishte të hapur faqe interneti për bastet sportive;
A. Q., 19 vjeç, banues në Elbasan, pasi nga kontrolli i ushtruar në ambientet e bar-kafes në pronësi të tij, iu gjet dhe sekuestrua në cilësinë e provës materiale një telefon që kishte të hapur faqe interneti për bastet sportive;
K. P., 17 vjeç dhe K. B., 33 vjeç, të dy banues në Elbasan, pasi nga kontrolli i ushtruar në ambientet e bar-kafes në pronësi të shtetasit K. B., shtetasit K. P. iu gjet dhe sekuestrua në cilësinë e provës materiale një telefon që kishte të hapur faqe internet për bastet sportive.
Materiale hetimore i kaluan Prokurorisë Elbasan, për veprat penale "Organizimi i lotarive të palejuara” dhe "Fshehja e të ardhurave".
