Debatet mes fqinjëve, dy të plagosur në Tropojë dhe Vlorë
Nga Edi Ruçi Përditësimi i fundit 24 Qershor 2021, 11:12
Një konflikt mes dy burrave përfundoi në plagosje në Tropojë.
Izet Ahmati 46 vjeç sulmoi me armë zjarri 39-vjeçarin Bardhyl Kolobiba.
Ngjarja u shënua rreth orës 07:00 të mëngjesit të së enjtes në fshatin Luzhë.
I plagosur me armë zjarri kallashnikov, mori ndihmën mjekësore në Spitalin e Tropojës dhe ndodhet jashtë rrezikut për jetën.
Pas ngjarjes, Izet Ahmati u largua nga vendngjarja, por disa orë më pas u gjet nga policia i fshehur në një shtëpi të braktisur në periferi të fshatit.
Sherri mes tyre dyshohet se nisi për motive të dobëta.
Burimet thanë se Bardhyl Kolobiba kanosi me thikë 46-vjeçarin Ahmati i cili më pas e sulmoi me armën e zjarrit që mbante pa leje.
Policia gjeti dhe sekuestroi edhe armen e krimit, kallashnikov me një krehër me municion luftarak.
Një konflikt mes dy fqinjëve përfundoi me plagosje edhe në Vlorë.
Ferdinand Petriti, 57 vjeç goditi me thikë fqinjin e tij Pilo Sevi.
Ngjarja u shënua rreth orës 11:00, në lagjen “Pavarsia” të qytetit bregdetar.
Burimet thanë se autori akuzonte fqinjin se i kishte ngacmuar bashkëshorten.
I plagosuri ndodhet në Spitalin e Vlorës nën kujdesin e mjekëve.
Autori Ferdinand Petriti, u shoqërua nga Policinë e Vlorës ku do të merret në pyetje për sqarimin e rrethanave dhe arsyet e konfliktit me fqinjin që plagosi.
