Argjentinasit kujtojnë 35 vite më vonë golin e shekullit të Maradonës kundër Anglisë
Nga Besmira Pelushaj Përditësimi i fundit 23 Qershor 2021, 14:44
Tifozët argjentinas festuan 35 vjetorin e "golit të shekullit" të shënuar nga Diego Maradona kundër Anglisë në Kupën e Botës 1986 në Meksikë në mediat sociale dhe në stadiumin ku bëri debutimin e tij në kategorinë e parë në moshën 15 vjeç.
Festa u organizua nën hashtagun "GritaloporD10s!". Goli i shënuar pas atij 'aksioni' të mahnitshëm, në kohën e saktë, 16:09 me kohën locale, ku Maradona dribloi gjashtë rivalë, u vlerësua si më i miri në historinë e Kupës së Botës, sipas faqes zyrtare të FIFA në 2002.
Evokimi u bë në një kohë kur Copa América-2021 po luhet në Brazil, përballja e parë e madhe ndërkombëtare që kur Maradona vdiq pas një ataku në zemër në 25 nëntor, në moshën 60 vjeçare.
Argjentina fitoi atë ndeshje 2-1 dhe kaloi në gjysmëfinale në të cilën mundi Belgjikën 2-0. Në finale ata mundën Gjermaninë me rezultatin3-2.
La Bombonera, stadiumi mitik i Boca Juniors, një klub i të cilit 'Pelusa' ishte një tifoz fanatik, transmetoi golin e famshëm në ekranet e tij, edhe pse pa njerëz për shkak të kufizimeve të pandemisë covid-19.
Grupet politike, gazetat sportive, kanalet e lajmeve, u bashkuan me propozimin. "Ku ishe?" Ky është titulli i një videoje emocionuese nga një kanal sportiv me dëshmi nga njerëz të zakonshëm te lojtarët që ishin në fushë atë ditë kur Maradona mahniti botën. Imazhe të pabotuara të këtij momenti u shpërndanë në rrjete, të shoqëruara më muzikë ose tango tradicionale argjentinase.
