Rrëzohet nga pema, humb jetën 17-vjeçarja në Lushnjë
Nga Julian Kasapi Përditësimi i fundit 20 Qershor 2021, 19:37
Mbrëmjen e sotme rreth orës 19:20 ka humbur jetën një 17 vjeçare me iniciale K.Q në fshatin Thanasaj të bashkisë Lushnjë.
17 vjeçarja ka qenë duke vjele fiq dhe ka rënë nga pema duke u dëmtuar rëndë.
Familjarët e kanë nisur në spitalin e Rrogozhinës.
Mjeket e Rrogozhinës e kanë nisur në drejtim të spitalit Durrës, por vajza ka ndërruar jetë rrugës.
Grupi hetimor po punon për zbardhjen e ngjarjes dhe zbulimin e shkakut të vdekjes së 17 vjeçares, ndërsa familjarët kanë hapur dyert e mortit.
