Meta merr një dhuratë të çmuar në Tivar
Nga OraNews Përditësimi i fundit 20 Qershor 2021, 18:51
Presidenti Ilir Meta gjatë një vizite që po zhvillon në Mal të Zi, është takuar në Tivar me Arqipeshkvin, Imzot Rrok Gjonlleshaj, nga i cili thotë se ka marrë një dhuratë të çmuar.
Zoti Meta shprehet se është përherë kënaqësi të takohet me Arqipeshkvin, Imzot Rrok Gjonlleshaj.
"Një rikthim i shumëpritur në Tivar, ku si përherë është kënaqësi të takohem dhe të bisedoj ngrohtësisht me Arqipeshkvin, Imzot Rrok Gjonlleshaj.
E vlerësoj dhuratën e tij, "Monografinë e Arqipeshkvisë së Tivarit", një botim voluminoz kushtuar njërës prej organizimeve kishtare më të vjetra në rajonin tonë, që mezi pres ta lexoj," shkruhet në postimin e Presidentit.
