Dorëhiqen dy prokurorë të Tiranës, Granit Shahu dhe Anila Galanxhi
Nga OraNews Përditësimi i fundit 16 Qershor 2021, 12:56
Dy prokurorë të prokurorisë së Tiranës, Granit Shahu dhe Anila Galanxhi, kanë dhënë dorëheqjen.
Dorëheqja është dorëzuar në KLP dhe do të shqyrtohet në mbledhjen e radhës, me 18 qershor.
Granit Shahu tentoi të bëhej Prokuror i Përgjithshëm në fund të vitit 2017, por ngeci në Vettingun Parlamentar dhe për pasojë Komisioni i Ligjeve e skualifikoi.
Shahu e ka nisur karrierën si prokuror i Tiranës në vitin 2003. Pas pak viteve është transferuar sërish në Shkodër duke ushtruar profesionin e tij si prokuror.
Me një dekret të presidentit të asaj kohe Bamir Topi 9 prokurorë lëvizën mes të cilëve edhe Granit Shahu i cili u transferua në Tiranë duke u rikthyer në prokurorinë e atij rrethi me 6 tetor të 2010-ës.
Pas 5 viteve shkëputje nga Shkodra prokurori Shahu rikthehet sërish në këtë qytet por kësaj here si drejtues i këtij institucioni.
