Nga analiza e 25 prillit tek regjistri digjital,  6 vendimet e miratuara nga Kongresi i Jashtëzakonshëm i PS-së

Nga OraNews Përditësimi i fundit 12 Qershor 2021, 21:13

Kongresi i jashtëzakonshëm i PS ka miratuar 6 vendime të propozuara nga Asambleja Kombëtare.

Tashmë në PS do të ngrihet një Komision i Posaçëm bashkangjitur analizës për zgjedhjet e përgjithshme të 25 prillit.

Një tjetër vendim është hapja e PS-së dhe pranimet e reja në parti dhe gjithashtu në PS  do të funksionojë një regjistër digjital.

Vendimet e miratuara: 

1- Vendim për zhvillimin e analizës së rezultatit të zgjedhjeve të përgjithshme të 25 prill 2021;

2- Vendim për ngritjen dhe funksionimin e Komisionit të Posaçëm të riorganizimit;

3- Vendim për zhvillimin e mbledhjes zgjedhore në strukturat vendore të partisë;

4- Vendim për hapjen e partisë dhe pranimet e reja në PS;

5- Vendim për regjistrin digjital të Partisë Socialiste;

6-Kalendari i veprimtarive kryesore politike organizative të partisë.

Zoti Balla e mbylli fjalën e tij duke thënë se do të fillojë puna për fitoren në zgjedhjet vendore të vitit 2023 dhe ato parlamentare të viti 2025.