Kryeministri Monti, vizitë të papritur në Afganistan
Nga OraNews Përditësimi i fundit 4 Nëntor 2012, 17:28
Kryeministri italian Mario Monti ka zhvilluar një vizitë të paparalajmëruar në Afganistan ndërsa është takuar me kontigjentin italian të NATO-s që shërben në provincën perëndimore të Heratit.Ai gjithashtu planifikon që të udhëtojë në Kabul ku do të takohet me presidentin afgan Hamid Karzai.Italia ka 3 mijë e 500 trupa në Afganistan dhe planifikon t’i tërheqë ato, me pjesën tjetër të trupave të koalicionit të udhëhequr nga NATO në fund të 2014-ës.AFP raporton se 52 italianë janë vrarë gjatë luftës 11 vjeçare kundër kryengritësve talebanë.
