Katër pjesëtarë të familjes myslimane u vranë nga një sulm i paramenduar me kamion
Nga OraNews Përditësimi i fundit 8 Qershor 2021, 08:48
Katër anëtarë të një familjeje myslimane u vranë nga një sulm i paramenduar me makinë, tha policia kanadeze.
Sulmi ndodhi në provincën Ontario. Një djalë i moshës nëntë vjeç, i mbijetuari i vetëm i familjes, është në spital me dëmtime serioze.
Një 20-vjeçar Kanadez është akuzuar për vrajse të 4 personave dhe vrasje në tentativë.
Sulmi ishte më i keqi kundër myslimanëve kanadezë që kur gjashtë vetë u vranë në një xhami të Quebec City në 2017.
"Besohet se këto viktima ishin në shënjestër sepse ishin myslimane," tha Det Supt Paul Waight në një konferencë shtypi.
"Policia po heton akuzat e mundshme për terrorizëm," tha ai, duke shtuar se besohet të jetë një krim urrejtjeje.
Cilat janë detajet?
Viktimat ishin dy gra të moshës 74 dhe 44 vjeç, një burrë 46 vjeç dhe një vajzë 15 vjeç. Një djalë nëntë vjeç ndodhet në spital me plagë të rënda, por jo të rrezikshme për jetën, tha policia.
Policia e identifikoi sulmuesin e pretenduar si Nathanial Veltman, 20 vjeç, nga Londra, Ontario. Ai u arrestua pa incidente në një qendër tregtare rreth 6 km nga vendi i krimit.
"Nuk dihet ende nëse i dyshuari ka lidhje me ndonjë grup urrejtjeje," tha Det Supt Waight.
"Nuk ka asnjë lidhje të mëparshme të njohur midis të dyshuarit dhe viktimave," tha Det Supt Waight, duke shtuar se i dyshuari kishte veshur një jelek që dukej si jelek antiplumb.
Policia tha se Z. Veltman nuk kishte dënime të mëparshme, shkruan BBC.
