Ndihmë për kalim të paligjshëm kufiri, dy të arrestuar në Vlorë
Nga OraNews Përditësimi i fundit 6 Qershor 2021, 10:44
Policia e Vlorës arrestoi dy shtetas të shpallur në kërkim për veprën penale “Ndihma për kalimin e paligjshëm të kufirit”.
Në pranga ranë shtetasit R. R., 31 vjeç dhe E. M., 27 vjeç, të dy banues në Vlorë të cilët Gjykata e Shkallës së Parë Vlorë, iu ka caktuar masën e sigurisë “Arrest në burg”, për veprën penale “Ndihma për kalimin e paligjshëm të kufirit”, kryer në bashkëpunim në më shumë se një herë.
Dy të arrestuarit dyshohen se janë përfshirë në veprimtarinë kriminale të dhënies ndihmë për kalim të paligjshëm të kufirit shtetëror të shtetasve nga vendet e treta në bashkëpunim me shtetasin I. H, i arrestuar në muajin dhjetor nga Policia.
Materialet hetimore i kaluan Prokurorisë pranë Gjykatës së Shkallës së Parë Vlorë, për veprime të mëtejshme procedurale.
