Viti shkollor 2021-2022 fillon më 13 shtator dhe përfundon më 8 qershor
Nga OraNews Përditësimi i fundit 25 Maj 2021, 15:52
Arsimi parauniversitar do të nisë në datën 13 shtator 2021. Ministria e Arsimit dhe ajo e Ekonomisë publikuan urdhrin e përbashkët në të cilin parashikohet se provimet e Maturës Shtetërore do të zhvillohen në periudhën 2-30 qershor 2022.
Viti i ri shkollor 2021-2022 do të nisë të hënën e 13 shtatorit. Përmes një urdhri të përbashkët që mban datën 10 Maj, Ministria e Arsimit, Sportit dhe Rinisë dhe ajo e Financave e Ekonomisë miratuan strukturën e sistemit parauniversitar.
Nxënësit e arsimit bazë do ta përfundojnë mësimin në datën 8 qershor 2022, ndërsa pushimet dimërore do t`i nisin në 24 dhjetor 2021 dhe i mbarojnë në 4 janar 2022.
Sa i përket provimeve kombëtare të arsimit bazë ato do të zhvillohen në periudhën 9-30 qershor të vit të ardhshëm.
Viti shkollor për gjimnazistët do të përfundojë më 15 qershor, ndërsa maturat ashtu si çdo vit do të përfundojnë më herët, në 1 qershor.
Maturantët do t`ju nënshtrohen provimeve shtetërore në periudhën 2 deri në 30 qershor.
Në urdhrin e përbashkët të dy ministrive jepen detaje edhe në lidhje me arsimin profesional, i cili po ashtu do të nis më 13 shtator dhe do të përfundojë në 15 qershor.
Ndërkohë provimet përfundimtare të praktikës profesionale të kualifikimeve profesionale do të zhvillohen në periudhën 26 maj-1 qershor 2022.
