Dortmund dominon Mainz, arrin zyrtarisht kualifikimin në Champions
Nga OraNews Përditësimi i fundit 16 Maj 2021, 20:11
Falë humbjes dramatike të një dite më parë të Eintracht Frankfurt kundër Schalkes që kishte rënë një kategori më poshtë, Dortmundi arrin zyrtarisht kualifikimin në Champions League. Në sfidën e parafundit në transfertën me Mainz, verdhezinjtë nuk mund të gabonin madje bindën me fitoren 3-1.
Në pjesën e parë Dortmundi I dha drejtim ndeshjes me dy golat e Guerreiros në 23’ dhe Reus në 42’ ndërsa në fraksionin e dytë shënuan sërish me Julian Brandt teksa goli i flamurit për vendasit u shënua nga Quaison në 91’.
Kjo fitore që i jep një vend zyrtarisht në Champions, e ndihmon Dortmundin ta mbyllë sezonin në mënyrën më të mirë me Kupën e Gjermanisë tashmë të arritur dhe me një vend në kompeticionin më të rëndësishëm sportiv dhe financiar.
