Roma-Lazio, mbi 46 mijë bileta virtuale të shitura për derbin
Nga Alba Kepi Përditësimi i fundit 15 Maj 2021, 21:15
46,036 bileta virtuale të shitura me kosto 2 euro për derbin Roma-Lazio.Klubi i Romës "mbush" stadiumin. Edhe pse është i mbyllur për publikun e gjen këtë mënyrë origjinale që tifozët romanist të mbështesin skuadrën e zemrës.
"Gjatë gjithë javës, klubi ka lejuar tifozët e saj të marrin pjesë në mënyrë aktive në koreografinë e krijuar në Curva Sud. Falë blerjes së një bilete virtuale, të ardhurat e së cilës u dhuruan tërësisht për fondacionin bamirës të Roma Cares, tifozët e Giallorossi ishin në gjendje të kontribuojnë në ngjyrosjen e një stadiumi që përndryshe do të ishte bosh për shkak të kufizimeve të Covid-19.
Sidoqoftë, asnjë distancë nuk mund ta dobësojë dashurinë e tifozëve. Mbështetësit e Romës përqafuan me entuziazëm nismën e nisur nga klubi: me 46,036 bileta të shitura, "Brenda derbit" u bë fushata më e suksesshme e biletave virtuale midis pesë ligave kryesore evropiane" thuhet në komunikatën për mediat të klubit të futbollit A .S Roma pak para nisjes së derbit.
Në këtë mënyrë, AS Roma dëshironte të përsëriste dëshirën e saj për të mbështetur futbollin që ka tifozët në zemër të saj.
