Partia Demokratike shkon në zgjedhje, propozohet që kryetari i ri të zgjidhet më 13 qershor
Nga OraNews Përditësimi i fundit 16 Maj 2021, 18:59
Më 13 qershor të këtij viti, pritet që Partia Demokratike të zhvillojë zgjedhje për kryetarin e ri të kësaj force politike. Propozimi ka ardhur nga Sekretari i Përgjithshëm i Partisë Demokratike, Gazment Bardhi
Bardhi ka deklaruar se procesi hapet më 16 maj deri më 22 maj, më 23 paraqiten kandidaturat dhe më 13 qershor është dita e zgjedhjeve. Or News mëson se Basha do të rikandidojë për kryetar i PD ndërkohë përballë deri më tani ka Fatbardh Kadillin.
"Ndërkohë fushata do të jetë mes datave 24 maj dhe 11 qershor.
Të analizojme punën e secilit në nje mbledhje të vecantë në Kryesi dhe më pas në cdo QV.
Në këtë parti nuk ka asnjë njeri të padobishëm. I propozoj Kryesisë fillimin e procesit zgjedhor për kryetar të PD. Secili prej anëtarëve të Kryesisë që ka shpallur ambicien të ketë mundësine ta shpjegojë vizionin tij në institucione, pa paragjykuar askënd, një garë të drejtë e të barabartë, kur demokratët të gjykojnë lidershipin aktual dhe
16-22 maj paraqitja e kërkesës për kandidim nga ata që përmbushin kriteret
24 maj – 11 qershor fushatë në të gjithë strukturat.
13 qershor – zgjedhjet sipas parimit një anetar-nje votë”– ka deklaruar Bardhi.
Përveç propozimit për zgjedhjet për kryetarin e ri, Bardhi ka propozuar edhe analizën e punës në mbledhje të veçantë në Kryesi dhe më pas në çdo qendër votimi.
