Punonte në fermën e kanabisit për të shlyer borxhet, arrestohet 26-vjeçari shqiptar në Britani
Nga OraNews Përditësimi i fundit 7 Maj 2021, 17:02
Një emigrant i paligjshëm me origjinë shqiptare që punoi në një fermë kanabisi duke u përpjekur të shlyente borxhin ndaj personave që e sollën kontrabandë në Angli është burgosur.
Shqiptari Elson Balla shkoi në Mbretërinë e Bashkuar dhjetorin e kaluar dhe pas një njoftimi nga banorët vendas ai u arrestua duke punuar brenda një ferme kanabisi në Stockton.
Gjatë një kontrolli nga Policia e Cleveland në pronë u gjetën pothuajse 100 bimë kanabisi.
Nigel Soppitt, i cili po ndjek penalisht rastin, tha se vlera e kanabisit nëse do të shitej në rrugë do të kapte vlerën 78,000 £.
Gjykata dëgjoi se si njerëzit kishin ngritur shqetësime në lidhje me erën e fortë dhe zhurmën e vazhdueshme që dilte nga prona.
Z. Soppitt tha: "I pandehuri ishte vetëm në banesë. Brenda u gjet një rritje e mirë-administruar dhe e vendosur profesionalisht e kanabisit. Në katin e parë kishte 48 bimë dhe në katin e sipërm kishte 46 bimë me një rritje të llogaritur prej 5 kg kanabis. Vlera me shumicë do të ishte rreth 28,000 ndërsa nëse do të shitej në rrugë shkonte rreth 78,000 £."
Z. Soppitt tha se energjia elektrike ishte modifikuar në një punë profesionale, kishte izolim, ventilator elektrik dhe një sistem vaditjeje.
"Kur ai u arrestua dhe intervistua ai nuk bëri asnjë koment, por kishte një deklaratë të përgatitur që tregonte se ai hyri në Mbretërinë e Bashkuar në dhjetor 2020 dhe e bëri këtë për t'u paguar paratë përsëri atyre që e sollën në Angli."
26-vjeçari u deklarua fajtor për përfshirjen në prodhimin e kanabisit.
Avokati Ismael Uddin, tha se klienti i tij ishte deklaruar fajtor në rastin më të shpejtë.
Gjykatësi Timothy Stead e burgosi Ballën për dhjetë muaj dhe urdhëroi që të gjitha drogat dhe pajisjet të kapeshin dhe shkatërroheshin, shkruan thenorthernecho.co.uk.
