Protestat në Kolumbi, humbin jetën 24 persona, zhduken 87 të tjerë
Nga OraNews Përditësimi i fundit 6 Maj 2021, 18:08
24 persona kanë mbetur të vdekur dhe 87 të tjerë janë zhdukur nga protestat masive që po zhvillohen në Kolumbi.
Diego Molano, Ministri i Mbrojtjes së Kolumbisë, është shprehur se do të jetë prokuroria ajo që do të vendos se kush është përgjegjës për humbjet e jetëve.
Sipas mediave të huaja, protestat u shoqëruan me dhunë dhe përplasje me armë.
Kolumbianët protestuan gjatë javës së kaluar kundër varfërisë dhe pabarazisë, e cila sipas tyre është përkeqësuar akoma më shumë gjatë pandemisë së Covid-19.
Sakaq ekspertët ky zhgënjim i qytetarëve që u pasua me protesta mund të bëhet shkak për të provokuar trazira në të gjithë Amerikën Latine, pasi disa vende ndodhen në situatë të vështirë për shkak të pandemisë.
