Drejtuesja e OSBE takohet me kryeministrin Rama në selinë e PS
Nga OraNews Përditësimi i fundit 4 Maj 2021, 15:19
Drejtuesja e misionit të OSBE/ODIHR, Ursula Gacek takohet me kryeministrin Rama në selinë e Partisë Socialiste.
Të hënën, më 3 maj, Gacek u takua me kryetarin e Partisë Demokratike në selinë blu.
Takimet e OSBE me liderët e partive po zhvillohen për t'u njohur me pretendimet e tyre lidhur me zgjedhjet e 25 prillit.
Vlerësimet dhe puna që është bërë nga komisionerët në qendra e votimit nga ajo që ka mundur të vëzhgojë prezenca e OSBE do të pasqyrohen në raportin që OSBE do të publikohet rreth datës 28 maj.
Këtë vit misioni i OSBE ka pasur një numër të kufizuar ekspertësh, rreth 13 në ekipin bazë dhe 24 në ekipin afatgjatë ndryshe nga sa u tha më herët se do të ishin 270 të tillë për shkak të pandemisë.
Zgjedhjet e këtij viti janë një pikë kyçe për demokracinë e vendit.
Nuk dihet ende nëse pas takimit do të ketë deklaratë nga përfaqësues të Partisë Socialiste apo nga drejtuesja e OSBE Ursula Gacek.
