Merr flakë anija në Triport të Vlorës/ Video
Nga OraNews Përditësimi i fundit 4 Maj 2021, 13:33
Një anije në Triport të Vlorës është përfshirë nga flakët mesditën e sotme. Ndërhyrja e zjarrfikësve bëri që zjarri të shuhej.
Ora News sjell pamje të ndërhyrjes së zjarrfikësve për shuarjen e flakëve me qëllim parandalimin e përhapjes së tyre.
Ngjarja u shënua reth orës 13:05, në Triport të Zvërnecit.
Policia e Vlorës informoi se ka rënë zjarr në anijen e peshkimit të ankoruar, në pronësi të shtetasit F. S., në të cilën po kryeshin riparime.
Si pasojë e zjarrit ka vetëm deme materiale.
"Nga hetimet paraprake rezulton se mjeti ka marrë flakë aksidentalisht" informon policia e qytetit.
Vijon puna me grupin hetimor për sqarimin e plotë e rrethanave të ngjarjes.
