Mot me diell dhe temperatura të larta, por mos harroni çadrën sepse mund të ketë surpriza
Nga OraNews Përditësimi i fundit 30 Prill 2021, 09:00
Meteorologu Akil Osmani nga MeteoAlb në një lidhje të drejtpërdrejtë për RTV Ora tregoi se moti gjatë ditës së sotme dhe në fundjavë do të jetë kryesisht i kthjellët në pjesën më të madhe të vendit, por gjithashtu do të kemi dhe prani ët vranësirave dhe reshjeve të pakta gjatë ditës së shtunë.
Osmani "Dita e sotme mbetet në mbizotërimin e motit të kthjellët , kur herë pas herë do të kemi kalime të lehta vranësirash, kryesisht përgjatë shtrirjes lindore, por që do të jenë vranësira të pakta.
Përsa i përket vlerave termike gjatë ditës së sotme mbeten të larta, ku minimumet në zonat malore do të jenë në vlerat 9-10 gradë celcius, ndërsa maksimumet në zonat jugore dhe jug-perëndimore pritet të luhaten në vlerat 28-29 gradë celcius.
Përsa i përket fundjavës mbetet kryesisht me kthjellime, përjashtim bëjnë orët e mesditës dhe pasdites së ditës së shtunë ku pritet që të kemi shtim të vranësirave dhe reshtje të pakta e të izoluara shiu në zonat veriore dhe pjesërisht qendrore të territorit shqiptar.
Kryesisht do të jenë reshje në sasi të pakta, dhe në orët e mbrëmjes kemi përmirësim të kushteve të motit, i cili do të vazhdojë edhe gjatë ditës së dielë në pjesën më të madhe të vendit, përjashtim bëjnë zonat jug0lindore ku si pasojë e temperaturave të larta pritet që herë pas here të kemi zhvillim të vranësirave dhe reshje të izoluara, por do të jenë në sasi të pakët."
