Merren në mbrojtje prokurorët e Elbasanit, prenë fletën e arrestimit për Ardian Çapja
Nga OraNews Përditësimi i fundit 31 Mars 2021, 09:24
Merren në mbrojtje dy prokurorët e Elbasanit, Kreshnik Ajazi dhe Ridvan Suka dhe familjet e tyre.
Vendimi për mbrojtjen e tyre është marrë nga Komisioni për Mbrojtjen e Prokurorëve i cili u mblodh sot (31 mars)
Kërkesa për mbrojtje është bërë me argumentin se u rrezikohet jeta e tyre dhe e familjes së tyre.
Kreshnik Ajazi është drejtuesi i kësaj prokurorie, ndërsa Ridvan Suka është prokurori i cili ka prerë fletën e arrestit për Ardian Çapja.
Ardian Çapja u arrestua më 29 mars 2021, ndërsa një ditë më pas u shtrua në spital pasi thuhej se ka shfaqur probleme kardiake dhe për pasojë është shoqëruar në Tiranë për kontrolle mjekësore.
Lexo dhe: Ardian Çapja nga burgu në spital, një ditë pas arrestimit sëmuret nga zemra
Ardian Çapja, i konsideruar si kreu i fisit, akuzohet për vrasjen e Nezir e Gentian Beqirit në 2012 në Elbasan. Ndërkohë është shpallur në kërkim Florenc Çapja.
Vitin që kaloi u morën në mbrotje 7 prokurorë ndërsa këtë vit 3. Pak javë më parë u mor në mbrojtje prokurori Arjan Muça pasi një sasi tritoli shpërtheu në makinën e tij.
