"Mallkimi" i të moshuarës në Mirditë pas vaksinimit: Kush thotë se nuk ke punuar ju thaftë goja!

Ndalesa e sotme e kryeministrit Rama ishte në Mirditë.

Ai inspektoi në Rrëshen vaksinimin e të moshuarve +85 dhe +80 vjeç.

Mirënjohës për vaksinimin, të moshuarit gjatë bashkëbisedimit me Ramën nuk kursyen urimet ndaj tij për zgjedhjet por edhe mallkimet për kundërshtarët që flasin keq për të.

Rama: E bëre?

E moshuara: Faleminderit shumë. Ai që thotë se nuk ke punuar ti ju thaftë goja.

E moshuara tjetër: Jemi shumë të kënaqur. Rrofsh sa malet!

Rama: Ju kemi fut ushtarë në trup që të vrasin armikun.

I moshuari: Fitore dhe tre mandate të tjera Kryeministër, jo më pak se tre mandate, fitoren më të madhe.