Balla: Do të dyfishohet bonusi për pensionistët, do të jetë si një pension i 13-të
Nga OraNews Përditësimi i fundit 26 Mars 2021, 22:00
I ftuar në Ekopolitikë nga Fatos Çoçoli në RTV Ora, kreu i grupit parlamentar të PS-së, Taulant Balla u shpreh se do të dyfishohet bonusi për pensionistët dhe do të jetë si një pension i 13-të.
Balla tha se vendi ynë nuk e ka fuqinë për t'u mbyllur sërish dhe se një mbyllje tjetër do të ishte fatal për ekonominë.
Balla: Do të dyfishohet bonusi për pensionistët dhe do të jetë si një pension i 13-të. Nuk do të jetë një vlerë e gjelit të detit, por do të dyfishohet ajo vlerë.
Ku u mbyllën kishim një opozitë thonin pse po mbyllemi, ndërsa kur u hapën ata thanë pse po hapemi. Ne nuk e kemi fuqinë për t'u mbyllur sërish dhe një mbyllje tjetër do të ishte fatal për ekonominë tonë. Ne kemi qenë ndër vendet e para që kemi paguar për Covax-in.
