Provokimi i Vuçiç, Basha: Kosova e pavarur, realitet i pakthyeshëm
Nga OraNews Përditësimi i fundit 19 Mars 2021, 18:09
Kryetari i Partisë Demokratike të Shqipërisë, Lulzim Basha reagon pas provokimit të presidentit të Serbisë Aleksander Vuçiç, i cili në një postim të tijin në rrjetet sociale mbi hartën e Kosovës vendoste flamurin serb.
Sipas Bashës, Kosova e pavarur është një realitet dhe se sjellje të tilla vetëm e dëmtojnë Serbinë.
Lexo edhe: Vuçiç provokon rëndë me flamurin serb mbi hartën e Kosovës, nis fushata e reporteve në Instagram
Reagimi i plotë i Lulzim Bashës:
Deklaratat dhe veprimet e Presidentit të Serbisë Aleksandër Vuçiç nuk i shërbejnë bashkëpunimit, paqes dhe stabilitetit në rajon, ato nxisin konflikt dhe perçarje.
Kosova e pavarur është realitet i pakthyeshëm. Shfaqje të tilla nacionaliste dëmtojnë vetëm Serbinë dhe tregojnë qasjen destruktive të lidershipit të saj.
Sa më shpejt të pranohet realiteti i Kosovës së lirë dhe të pavarur, aq më mirë do të jetë për Serbinë, popullin e saj dhe gjithë Ballkanin për të ecur më shpejt drejt BE-së si interesi më i mire i popujve tanë.
Lexo edhe: “Provokim armiqësor”, Berisha thirrje Kosovës: Shpalleni “non grata” Vuçiçin
Më herët, në një reagim të tijin, ish kryeministri Sali Berisha i bënte apel Kosovës të shpallte "non grata" Aleksander Vuçiç.
