Ku qarkullohet me zinxhirë/ ARRSH: Ja situata në akset rrugore të vendit
Nga OraNews Përditësimi i fundit 15 Shkurt 2021, 18:41
Autoriteti Rrugor Shqiptar informon mbi situatën në rrugët e vendit pas disa ditësh me temperatura shumë të ulta dhe prezencë dëbore.
Sipas ARRSH, kontraktorët janë në terren për pastrimin e akseve dhe shpërndarjen e kripës. Ndërsa jep edhe një panoramë të akseve rrugore në të gjithë vendin.
INFORMACION MBI GJENDJEN E AKSEVE KOMBËTARE
Në të gjithë territorin reshjet kanë pushuar, temperaturat vazhdojnë të jenë të ulëta.
Kontraktorët janë në terren për pastrimin e akseve dhe shpërndarjen e kripës.
RAJONI VERIOR
Qarkullohet me zinxhirë:
Trebisht –Doganë, Ura e Cerenecit–Klenjë, Trebisht-Doganë, Peshkopi-Qafë Drajë, Qafë Bualli-Krastë.
RAJONI QENDROR
Qafë Thanë-Doganë tek Useku qarkullimi me një korsi, po punohet për pastrimin e plotë.
Qarkullohet me zinxhirë:
Qafë Priskë-Shëngjergj, Qafë Priskë Qafë-Mollë, Trau Djatit Teleferik, Lunik–Fushë Studë-Klenjë, Krujë-Sarisalltik, Elbasan-Gjinar,Gramsh-Kodovjat, Mollë-Grabovë.
RAJONI JUGOR
Akset janë të hapura pa prezencë bore, por kushtëzuar nga temperaturat e ulëta mjetet të pajisen me goma dimri.
Të gjithë drejtuesit e mjeteve të pajisen me goma dimri ose zinxhirë, të reduktojnë shpejtësinë, të respektojnë sinjalistikën rrugore dhe udhëzimet e Policisë Rrugore.
