Erzeni rrezikon të dalë nga shtrati, Bistrica përmbyt tokat bujqësore
Nga OraNews Përditësimi i fundit 26 Janar 2021, 16:14
Lumi i Erzenit ka filluar të rrisë prurjet e ujit megjithëse nuk ka pasur nivel të madh të rënies së shirave.
Nga 2.5 m që kishte rënie të niveli në mëngjes tashme kjo rënie është vetëm një metër larg nivelit maksimal qe ishte ditën e djeshme.
Banoret dyshojnë se meqë nuk po bie shi dhe kjo rritje është e pajustifikueshme, duhet të jetë hapur diga e HEC-it te Myrdarës në zonën e Tiranës.
Përveç shiut dhe problemeve të shkaktuara në Durrës sapo ka rënë një tërmet 3.8 ballësh.
Ndërkohë, reshjeat e shiut kanë nxjerr nga shtrati lumin e Bistricës, në Sarandë.
Prurjet e mëdha kanë përmbytur tokat në fshatin Çukë.
Kjo situatë përsëritet çdo vit, sa herë ka shira me intensitet të lartë.
Për shtratin e lumit nuk ka pasur asnjë ndërhyrje rehabilituese, nga ana e Bashkisë Sarandë.
Këto toka bujqësore në këtë periudhë ishin të mbjella me perime dhe jonxhë.
