Darka në Dubai/ Mehmeti: Pushtetarëve të ‘Rilindjes ’ nuk ua kontrollon truri stomakun, por stomaku trurin!
Nga OraNews Përditësimi i fundit 10 Janar 2021, 19:20
Shkrimtari dhe publicisti nga Shkupi Kim Mehmeti, përmes një reagimi në rrjetet sociale, komenton atë që është shndërruar në temë dite në Shqipëri: darkën e ministrave të qeverisë Rama në një prej restoranteve më luksozë në Dubai.
Sipas Mehmetit, pushtetarëve të ‘Rilindjes ’ nuk ua kontrollon truri barkun, por stomaku trurin.
Më tej, Mehmeti shton se, pushtetarët sapo ndiejnë erën e mishit të pjekur, e harrojnë popullin që i ushqen, popullin që sot ‘mbytet’ nga rreshjet dhe dridhet nga i ftohti.
Lexo edhe:
FOTO/ Darka luksoze e Rilindjes në Dubai, rrjeti shpërthen në meme
Postimi i plotë i Kim Mehmetit:
"Pushtetarëve të ‘Rilindjes ’ nuk ua kontrollon truri barkun, por stomaku trurin!
Mediat raportojnë për ahengun e qeveritarëve të ‘Rilindjes’ të shtruar në Dubai.
Çfarë paturpësie dhe pandjeshmërie e pushtetarëve të cilët posa e ndiejnë erën e mishit të pjekur, e harrojnë popullin që i ushqen, popullin që sot ‘mbytet’ nga rreshjet dhe dridhet nga i ftohti.
E në ndërkohë thonë se drekën ua paska paguar ndonjë princ arab?!
Me çka tregojnë sa nuk e kanë kuptuar se edhe si mysafir të cilitdo mbreti, darkat e drekat u shtrohen për nderë të popullit e shtetit që përfaqësojnë, andaj nuk u ka hije të sillen si njerëz perverzë të cilëve nuk ua kontrollon truri barkun, por stomaku trurin.
Po pra, sido që ta marrësh darka e pushtetarëve shqiptarë në Dubai shpalos dukjen e burrështetasve që nuk e kanë të zbrazur barkun, po trurin, gjë që i bënë të mos kenë turp e të jenë të pandjeshëm ndaj popullit që ua mundëson gjitha ato privilegje".
Lexo edhe:
/a.r,OraNews
