VIDEO/ Një Milan i çmendur, "Djalli" i pret Krishtlindjet në krye
Nga OraNews Përditësimi i fundit 24 Dhjetor 2020, 07:36
Milani arrin një fitore të madhe ndaj Lazios në sfidën e fundit të 2020 dhe mbetet në krye të Serie A si dhe skuadra e vetme pa humbje në këtë sezon në pesë ligat më të forta në Europë.
Kuqezinjtë fituan 3-2 “in extremis” ndaj Lazios, që gjithsesi duhet duartrokitur për lojën e zhvilluar dhe nuk do të kishte vjedhur asnjë edhe nëse do të kishte fituar.
Një fillim i furishëm dhe një fund për infarkt i ndeshjes nga kuqezinjtë, me Theo Hernandezin që realizoi në çastet e fundit golin që çoi në ekstazë kampin e Milanit.
Pa u nxehur mirë muskujt, Ante Rebic realizoi me kokë (10’) pas krosimit të Calhanoglu, ndërsa shtatë minutave më vonë mesfushori turk realizoi me penallti.
2-0 për Milani pas pak më shumë se çerek loje orë, por Lazio nuk e humbi toruan.
Fillimisht Ciro Immobile humbi një 11-metërsh (28’), por në zhvillimin e aksionit shënoi Luiz Alberto.
Në pjesën e dytë bardhekaltrit mundën të barazonin me Immobilen në të 59-ën, por në kohën shtesë, atëherë kur pritej vetëm vërshëllima e fundit e gjyqtarit, këmbëngulja e kuqezinjve u shpërblye me golin e Theo Hernandezit, që i siguroi një fitore të çmendur “Djallit”.
Në takimet e javës së 14-të u arritën këto rezultate:
Verona – Inter 1-2
Milan – Lazio 3-2
Roma – Cagliari 3-2
Bologna – Atalanta 2-2
Napoli – Torino 1-1
Sampdoria – Sassuolo 2-3
Spezia – Genoa 1-2
Udinese – Benevento 0-2
