Helidon Bushati merr detyrën e drejtuesit politik te PD Shkodër, tregon objektivat e 25 prillit: 7 deputetë, minimalja
Nga OraNews Përditësimi i fundit 22 Dhjetor 2020, 19:00
Sekretari i Përgjithshëm i Partisë Demokratike, Gazmend Bardhi ishte sot në Shkodër për të prezantuar drejtuesin politik të këtij qarku, Helidon Bushati.
Në një prononcim për medien, mbrëmjen e sotme (22 prill) Bushati pasi falenderoi strukturat e PD-së që e ripropozuan në procesin përzgjedhës tregoi dhe objektivat.
“Është një rikthim nga ana formale sepse unë në vazhdimësi kam qenë prezent në Shkodër. Formalisht rikthehem në cilësinë e drejtuesit politik për të arritur objetkivat krejtësisht të arritshme. 7 shtatë deputetë në qarkun e Shkodrës është objektivi minimal për PD-në. Një falenderim nga strukturat e PD-së në Shkodër që më ripropozuan në procesin përzgjedhës të kandidaturave” tha Bushati ndërsa nënvizoi domosdoshmërinë e gjithëpërfshirjes.
Në zgjedhjet parlamentare të 2017, Partia Demokratike fitoi në qarkun e Shkodrës 5 deputetë konkretisht
1- Romeo Gurakuqi
2- Izmira Ulqinaku
3- Lorenc Luka
4- Bardh Spahia
5- Nard Ndoka
Do prezantohen dhe drejtuesit e tjerë politikë
Vetë Bardhi tha se gjatë këtyre ditëve do të prezantohen edhe drejtuesit e tjerë politikë për zgjedhjet e 25 qershorit.
Pritet që ditët në vijim, PD të caktojë drejtuesit politikë edhe për 11 qarqet e tjera të vendit.
Drejtuesit politikë do të udhëheqin fushatën elektorale për zgjedhjet parlamentare të 25 prillit 2021.
Helidon Bushati është ish-deputet i PD. Në zgjedhjet e 2017, ai pranoi të largohej nga lista e Shkodrës, në një vend të sigurtë, për t’i hapur rrugën përfaqësimit të Vaut të Dejës.
Ky gjest u vlerësua shumë në atë kohë. Më pas, Bushati u zgjodh anëtar i Autoritetit të Konkurrencës, detyrë që e ushtron deri më sot.
