Rama e zhvendos "luftën politike" për Specialen në Tiranë, akuzon Berishën e Metën për votimin e raportit të Dick Marty
Nga OraNews Përditësimi i fundit 7 Nëntor 2020, 15:06
Beteja politike për arrestimet e udhëheqësve të UÇK-së nga Gjykata Speciale e Hagës ëhstë zhvendosur në Tiranë.
Kryeministri Rama akuzon ish-kryeministrin Berisha dhe presidentin Ilir Meta për votimin e raportit të Dick Marty në Këshillin e Europës.
Rama: Sali pse e votove pro Raportin e Dick Marty në Këshillin e Europes,kur ne e votuam kundër apo doje të mbroje Kosovën nga Hashimi? Po ti Ilir pse e votove pro Raportin e Dick Marty apo s'të pyeti Haxhinasto? Lulëzim ke gjë për të thënë apo s'ta lejon sekreti hetimor?
Vetë ish-kryeministri Sali Berisha në një lidhje direkte për emisionin “Opinion” se UÇK nuk ka kryer kurrë transplante organesh. Berisha tha se nëse e ashtuquajtura shtëpinë e verdhë do të ekzistonte, ai që do të fliste për të do të kishte vetë Millosheviçi.
Sipas tij, Thaçi gaboi që nuk paditi Martyn për Shtëpinë e Verdhë.
Gjykata Speciale e Hagës e ngritur për krimet e luftës në Kosovë nuk ka patur asnjë bashkëpunim me autoritetet shqiptare në lidhje me hetimin e drejtuesve politik te UÇK-së.
Megjithatë në aktakuzën ndaj Hashim Thaçit janë renditur 63 baza, të konsideruar prej hetuesve si burgje të UÇK-së në territorin e Kosovës, por dhe dy raste në Kukës dhe Cahan të Hasit ne Shqipëri.
Por mësohet se deri tani autoriteteve shqiptare nuk i është paraqitur asnjë kërkesë apo letërporosi nga kjo gjykatë në lidhje me këtë çështje.
Ështe e paqartë se si prokurorët specilizuar kanë arritur në këtë përfundim edhe kur i kanë kryer hetimet në territorin e Republikës së Shqipërisë.
Por me sa duket gjithçka i referohet raportit të gjykatëses së Hagës, Carla del Ponte dhe më pas të raporterit Dick Marty.
Hetime u kryen nga vitet 2004-2008. Ndër to u përfshi dhe akuza për “shtëpinë e verdhë” në Mat, për të cilën prokurorja shprehej se përdorej si bazë për transplant të organeve që u merrin të robërve që kishte UÇK.
