Mjekët mbyllin takimin me Manastirliun, javën tjetër grup pune për kërkesat

Nga OraNews Përditësimi i fundit 24 Shtator 2020, 11:22

Perfundoi ne poren 11:00 takimi i perfaqesisë së mjekëve në kryeministri.
Mjekët u shprehën të zhgënjyer sepse nuk ishin pritur nga kryeministri.

Ministrja e Shëndetësisë Ogerta Manastirliu u shpreh se kërkesat e mjekë kërkojnë ekspertizë të brendshme dhe ndërkombëtare

Manastirliu: Po punojmë për të bërë më të mirën, mjekët janë aseti ynë më i çmuar. Do të diskutohet për të 4 pikat. Kërkesat janë të ndryshme dhe kërkojnë ekspertizë të brendshme dhe ndërkombëtare. Qeveria ka vullnet për të përmbushur kërkesat e mjekëve, jemi në të njëjtën anë dhe në shërbim të qytetarëve. Jemi këtu për konsolidimin e kësaj platforme dhe diskutimet për to do të vijojnë.

Mjekët vlerësuan se hodhëm bazat e para të një bashkëpunimi dhe javën e ardhme do të ngrihen grupet e punës.

Në orën 09:00 katër mjekë u nisën në kryeministri.

Protesta e mjekeve

"Takimi i mjekëve po bëhet në zyrën e bashkëqeverisjes ku të pranishëm ishte ministrja e Shëndetësisë Ogerta Manastirliu dhe drejtori I QSUT-së Enkel Joti.

Takimi është zhvilluar vetëm me këshilltarët. Këtë ata e konsiderojnë mashtrim pasi nuk janë pritur nga Rama, ashtu siç ishte parashikuar" eshte shprehur kirurgu.

Nje grup mjekesh po proteston ne QSUT nderkohe qe policia nuk dha leje per protesten e sotme.

Mjekët në Kryeministri

Sipas njoftimit nga Sindikata e Punonjësve të Shërbimit Shëndetësor, protesta do të zhvillohej rreth orës 10:00 te paradites se sotme dhe do të zgjaste një orë.

Por me pretendimin e rrezikut të përhapjes së Covid-19, Policia e Shtetit nuk e miratoi lejen.

Çfarë kërkojnë mjekët:

Mjekët në Kryeministri

1. Të shpallen dëshmorë të kombit të gjithë ata pjesëtarë të personelit shëndetësor të cilët humbin jetën në këtë luftë me këtë armik të padukshëm.

2. Të bëhet sigurimi i jetës së personelit shëndetësor, me qëllim që familjet e tyre të mund të vazhdojnë jetën dhe pas fatkeqësive të mundshme në këtë luftë.

3. Rritje e vlerësueshme e trajtimit financiar të personelit shëndetësor.

4. Personelit shëndetësor të çdo niveli t'i sigurohen të gjitha kushtet në punë për parandalimin e infeksionit sipas të gjithave standarteve kombëtare dhe ndërkombëtare.

Në letrën e tyre ata u kanë lënë një afat dyjavor institucioneve përkatëse për tu kthyer përgjigje dhe për të biseduar mbi kërkesat e mjekëve. /AR,OraNews