Basha publikon videon e Manjola Cakanit: Kriminale fakti që Rama kërcënon një qytetare

Nga OraNews Përditësimi i fundit 10 Shtator 2020, 18:35

Kryetari i Partisë Demokratike Lulzim Basha ka reaguar në lidhje me denoncimin e publikuar nga PD, për Manjola Cakonin, një nga banoret e prekura nga tërmeti, e cila pas intervistës në një televizion, thotë se është telefonuar nga kryeministri Rama, duke i thënë se ishte e turpshme ajo që bëri.

Përmes një postimi në Facebook, Bashashkruan se teatri mizor me jetën dhe hallet e qytetarëve duhet të marrë fund.

Sipas tij, është kriminale që njëkryeministër të kërcënojë një qytetare, vetëm pse ajo denoncoi shkeljen epremtimit dhe braktisjen e saj.

Postimi i Bashës në Facebook

Teatri mizor me jetën dhe hallet e qytetarëve duhet të marrë fund.

Historia e Manjolës dhe Alesios tronditi mbarë opinionin publik. Një tragjedi e madhe, dhimbje e pashërueshme që do të mbetet gjithmonë e pranishme në jetën e tyre.

Detyra e një qeverie normale është të lehtësojë pasojat materiale për Manjolën, Alesion por dhe për mijëra persona të tjerë, që u goditën rëndë nga tërmeti i 26 nëntorit.

Por kjo që dëgjuam, kërcënimi i një zonje të mbytur nga dhimbja dhe pamundësia për të përmbushur nevojat jetike, është një akt i ulët i një kryeministri që shkel mbi çdo premtim, i dikujt që nuk e ndjen dhimbjen dhe vuajtjen e bashkëqytetarëve. Është akti i një burracaku që i kërcënon t'u mbyllë gojën viktimave të pushtetit të tij të korruptuar.

Është kriminale që fatkeqësia e bashkëqytetarëve tanë, në fillim u përdor për propagandë e më pas u harrua. Është kriminale që një kryeministër të kërcënojë një qytetare, vetëm pse ajo denoncoi shkeljen e premtimit dhe braktisjen e saj.

Fatkeqësisht, Manjola është vetëm një ndër mijëra gra të tjera që sot nuk kanë ushqim të mjaftueshëm për fëmijët e tyre dhe që jetojnë në çadra e kushte tejet të vështira.

Historia e saj është dëshmi ngjethëse e humbjes së çdo ndjeshmërie njerëzore dhe çdo përgjegjësie ndaj njerëzve nga ai që i përdor qytetaret për propagandë e më pas i braktis në mjerimin e tyre.

Lexo edhe: Rasti i familjes Cakoni, Meta: Mjaft me bulizëm qeveritar

Turp për atë që bëre! PD akuza Ramës: Presion ndaj familjes Cakoni pas daljes në media