Pompeo: SHBA mbështet përpjekjet ndërkombëtare për çështjen e Bjellorusisë
Nga OraNews Përditësimi i fundit 20 Gusht 2020, 20:09
Shtetete Bashkuara mbeten thellësisht të shqetësuar nga "defektet serioze"në zgjedhjet presidenciale në Bjellorusi, tha të enjten Sekretari i Shtetit iSh.B.A. Mike Pompeo.
Ai shtoi se Uashingtoni është në mbështetje të përpjekjeve ndërkombëtare për të parë në mënyrë të pavarur parregullsitë zgjedhore të vendit.
Shtetet e Bashkuara gjithashtu mbështesin përpjekjet ndërkombëtare për të parë në mënyrë të pavarur abuzimet e të drejtave të njeriut përreth zgjedhjeve dhe goditjeve pasuese, tha Pompeo në një deklaratë.
Bjellorusia po përballet me krizën e saj më të madhe politike që nga shembja e Bashkimit Sovjetik, ku me dhjetëra mijëra demonstruan duke refuzuar fitoren e Presidentit Aleksandër Lukashenko në një votim të 9 gushtit ku kundërshtarët e tij thonë se ishte i manipuluar.
"Shtetet e Bashkuara mbështesin zgjedhjet e lira dhe të ndershme që pasqyrojnë vullnetin e popullit Bjellorus. Zgjedhjet e 9 gushtit nuk e përmbushën atë standard. Ne mbështesim përpjekjet ndërkombëtare për të parë në mënyrë të pavarur parregullsitë elektorale të Bjellorusisë, abuzimet e të drejtave të njeriut rreth zgjedhjeve dhe goditjen që ka pasuar," - tha Pompeo.
Policia arrestoi më shumë se 6,000 njerëz në ditët e para të protestave dhe gjuajti plumba gome dhe gaz lotsjellës. Dhjetëra protestues dhe policë u plagosën në përleshje dhe dy njerëz vdiqën.
Pompeo tha se ai dënon ashpër dhunën kundër protestuesve dhe gazetarëve paqësorë në Bjellorusi, si dhe arrestimin e kandidatëve dhe demonstruesve të opozitës, duke bërë thirrje për lirimin e menjëhershëm të atyre "arrestuar padrejtësisht" ndërsa disa raportohen të zhdukur.
