Ambasadorët e SHBA e BE tek Basha për ndryshimet kushtetuese
Nga OraNews Përditësimi i fundit 28 Korrik 2020, 11:55
Kreu i Partisë Demokratike, Lulzim Basha, priti sot në selinë blu Ambasadorët e SHBA, BE dhe Britanisë së Madhe në vendin tonë.
Takimi me fokus ndryshimet kushtetuese për reformën zgjedhore zgjati për rreth 90 minuta.
Fillimisht në selinë blu mbërriti ambasadori i BE-së, Luigi Soreca dhe më pas ambasadorja e SHBA-se, Yuri Kim.
Të pranishëm ishin edhe përfaqësuesit e PD-LSI në Këshillin Politik, Oerd Bylykbashki dhe Petrit Vasili.
Faktori diplomatik prej ditësh është vënë në lëvizje për të afruar qëndrimet e palëve për një produkt të përbashkët konsensual.
Një ditë më parë Ambasadorët e SHBA dhe BE zhvilluan takim me kryeministrin Edi Rama.
Ndërkohë kryeministri konfirmoi edhe njëherë dje në Kuvend se mbetet i vendosur për të miratuar ndryshimet kushtetuese seancën e ditës së enjte, 30 korrik.
