Punëtorët francezë pezullojnë punën në centralet nukleare
Nga OraNews Përditësimi i fundit 26 Maj 2016, 09:46
Punëtorët e centraleve bërthamore në Francë kanë planifikuar një grevë një ditore, në shenjë kundërshtimi ndaj reformës së puntorëve që po diskutohet në Parlamentin e Francës.Në bazë të lajmërimit, 16 nga 19 centrale që ka gjithsej në Francë do t'a pezullojnë aktivitetin e tyre për të shprehur papajtueshmërinë në lidhje me reformën e propozuar.Kjo grevë është parë me shumë shqetësim nga qeveria franceze, pasi centralet bërthamore prodhojnë afro 75% të të gjithë energjisë elektrike në vend, ndaj një ditë proteste do të sillte humbje të konsiderueshme.Më herët edhe puntorët e rafinerive të naftës bënë të njëjtën gjë duke ndërprerë prodhimin.Si pasojë, afro 40% karburanteve në Francë kanë mbetur pa rezerva ose me rezerva të pakta të naftës dhe të nënprodukteve të saj.Për mediat ka reaguar menjëherë Presidenti francez, Fransua Hollond, i cili u shpreh se do të marrë masa në mënyrë që ekonomia të mos paralizohet nga grevat e punëtorëve.Përgjatë muajve të fundit, protestat në Francë kanë qënë mjaft të shpeshta për shkak të një ligji të ri për punëtorët, i cili u jep më shumë liri sipërmarrësve.Me reformën e re, rregulli për të punuar deri në 35 orë në javë, i cili është aktualisht në fuqi, do t'a humbasë vlefshmërinë.Ligjvënësit francëzë kanë propozuar që kjo shifër të ndryshohet në varësi të punës, dhe mund të zgjatet deri në 46 orë në javë.Gjithashtu, firmave të mëdha do t'u jepet një liri më e madhe për të reduktuar pagat e punëtorëve në rast se do të shihet e arsyeshme. Këto propozime janë kundërshtuar ashpër nga qytetarët, të cilët përgjatë muajve të fundi kanë zhvilluar protesta masive./Oranews.tv/
