Vritet një komandant i lartë i Hezbollahut
Nga OraNews Përditësimi i fundit 13 Maj 2016, 07:39
Një komandant i lartë i Hezbollahut është vrarë në një operacion të Izraelit në Siri.Organizata militante shiite, me seli në Liban, nuk ka dhënë detaje, por televizioni libanez, al-Mayadeen, ka thënë se Mustafa Amine Badreddine ka vdekur nga një sulm ajror i Izraelit pranë aeroportit në Damask.Badreddine, së bashku me tre pjesëtarë të tjerë të Hezbollahut, është akuzuar për vrasjen e ish-kryeministrit libanez, Rafik Hariri, në vitin 2005, në Bejrut.Duke njoftuar për vdekjen e Badreddines, Hezbollahu ka thënë se “ai ka marrë pjesë në shumicën e operacioneve të rezistencës islamike qysh në vitin 1982”.Badreddine ka qenë në listën e sanksioneve të Shteteve të Bashkuara.Hezbollahu është një organizatë politike, ushtarake dhe sociale shiite, e cila ka pushtet të konsiderueshëm në Liban.Ajo është shfaqur me ndihmën e Iranit, gjatë pushtimit të Libanit nga Izraeli, në fillim të viteve 1980.
