Zbatimi i marrëveshjes, nesër takimi i radhës Thaçi-Daçiç
Nga OraNews Përditësimi i fundit 20 Maj 2013, 09:30
Kryeministri i Kosovës, Hashim Thaçi dhe ai i Serbisë, Ivica Daciç do të takohen nesër në Bruksel me ndërmjetësimin e shefes së diplomacisë evropiane, Catherine Ashton. Në këtë takim do të shqyrtohet plani për zbatimin e marrëveshjes.Përfaqësuesja e lartë e BE-së për politikë të jashtme dhe siguri, Catherine Ashton duke komentuar marrëveshjen ndërmjet Kosovës dhe Serbisë, ka deklaruar se për BE-në janë të rëndësishëm aspektet që të vihet deri tek pika që të përmbushen kushtet nga konkluzat e dhjetorit.Ashton ka theksuar se tashmë ka përgëzuar kryeministrin e Kosovës dhe atë të Serbisë për guxim dhe përkushtim, si dhe për punën e vështirë në arritjen e marrëveshjes, ndërsa kryeministri Thaçi ka shprehur besimin se do të arrihet një marrëveshje për këtë dhe se nuk ka kthim prapa përveç zbatimit të marrëveshjes.Edhe në radhwt e Lidhjes Demokratike të Kosovës janë shprehur se marrëveshja duhet të zbatohet.“Realisht se sa serioz ka qenë dialogu do të shihet pikërisht me rastin e zbatimit të marrëveshjes, edhe në tërësinë dhe në dinamikën e saj. Nuk duhet të lejohet të shkojë kohë e gjatë për zbatim pasi ajo mund të deformohet”, ka thënë deputeti Sadri Ferati.Por, ndryshe nga ata janw shprehur partia opozitare që kundërshton dialogun me Serbinë, në Vetëvendosje. Deputeti Rexhep Selimi ka thënë se marrëveshja nuk duhet të zbatohet.“Ne mendojmë që nuk do të duhej as të arrihej një marrëveshje e tillë dhe rrjedhimisht nuk do të duhej të zbatohej. Por, duhet ta kemi parasysh që kjo marrëveshje do të zbatohet nga Serbia kur të plotësohen dy kushte: të jetë në interes të Serbisë dhe serbëve, dhe që të mos jetë në interes të shqiptarëve dhe shtetit të Kosovës”, ka theksuar Selimi.Deri më tani delegacioni i Kosovës dhe ai i Serbisë kanë zhvilluar dy takime në Bruksel në lidhje me planin për zbatimin e marrëveshjes
