Clinton: Kroacia, faktor stabiliteti në rajon
Nga OraNews Përditësimi i fundit 31 Tetor 2012, 22:18
Sekretarja amerikane e Shtetit, Hillary Clinton, ka deklaruar sot në Zagreb se Kroacia është faktori më i rëndësishëm i stabilitetit dhe prosperitetit në rajon.Pas bisedimeve me presidentin kroat, Ivo Josipoviç, Clinton ka vlerësuar reformat, duke thënë se Kroacia ka bërë përparime të mëdha në luftën kundër korrupsionit dhe në sundimin e ligjit.“Shpresoj se vitin e ardhshëm do të festojmë së bashku hyrjen e Kroacisë në Bashkimin Evropian”, ka deklaruar Clinton.Josipoviq ka thënë se është në interesin më të mirë të Kroacisë që t’i bashkohet BE-së, për shkak të paqes, sigurisë dhe ekonomisë.Clinton ka takuar edhe kryeministrin e Kroacisë, Zoran Millanoviç, dhe ministren e Jashtme, Vesna Pusiç.Ajo ka qëndruar në Zagreb, pas vizitës që ka bërë në Sarajevë, Beograd dhe Prishtinë, ku është shoqëruar edhe nga shefja për politikë të jashtme e Bashkimit Evropian, Catherine Ashton.Clinton të enjten qëndron në Tiranë.
