KLD "OK"propozimit të Ministrisë së Drejtësisë, shkarkon gjyqtarin e Shkodrës

Nga OraNews Përditësimi i fundit 22 Dhjetor 2015, 17:10

Këshilli i Lartë i Drejtësisë shkarkon nga detyra gjyqtarin e Gjykatës së Rrethit Gjyqësor Shkodër, A.Ç.Vendimi u mor sot në mbledhjen e drejtuar nga presidenti, Bujar Nishani, ku anëtarët e KLD miratuan propozimin e bërë nga Ministri i Drejtësisë.Në përputhje me rendin e ditës, anëtarët e Këshillit shqyrtuan propozimin e Ministrit të Drejtësisë për dhënie mase disiplinore ndaj gjyqtarit të Gjykatës së Rrethit Gjyqësor Sarandë, R.D.Pas diskutimeve, Këshilli duke pasur në konsideratë që ndaj gjyqtarit R.D, ka një hetim penal për këtë çështje, vendosi të pezullojë procedimin disiplinor, deri në momentin e përfundimit të shqyrtimit gjyqësor të çështjes.Seanca plenare e Këshillit të Lartë të Drejtësisë vijoi me shqyrtimin e informacionit të ardhur nga kryetari i Gjykatës së Apelit Tiranë, z. Alaudin Malaj, për vonesa në dorëzimin e vendimeve të arsyetuara të një gjyqtareje pranë kësaj gjykate, si dhe mbi informacionin periodik të kryetarëve të gjykatave për muajin tetor 2015.Në përfundim të diskutimeve, anëtarët e KLD-së, miratuan nisjen e një inspektimi tematik në lidhje me vonesat në dorëzimin e vendimeve të arsyetuara, në disa gjykata.KLD gjithashtu shpalli vakancën në Gjykatën e Apelit Tiranë dhe Gjykatën e Apelit Vlorë për shkak të mbushjes së moshës së pensionit të gjyqtarëve Edmond Gogo dhe Vasil Hanxhari.Mbledhja vijoi me caktimin e z. Astrit Haxhialushi, si përfaqësues i Këshillit të Lartë të Drejtësisë dhe njëkohësisht kryetar të Komisionit të Posaçëm për Mbrojtjen e Gjyqtarëve, pas mbarimit të mandatit të anëtarit Ilir Mustafaj.Më pas, Këshilli i Lartë i Drejtësisë miratoi shqyrtimin e Raportit "Mbi kryerjen e inspektimit në Gjykatën e Rrethit Gjyqësor Elbasan, lidhur me pretendimet e gjyqtarëve I.P dhe B.M.Këshilli shqyrtoi edhe projekt-aktet përfundimtare të vlerësimit, të Kryeinspektorit të Inspektoratit të Këshillit të Lartë të Drejtësisë, në zbatim të Vendimit të Këshillit të Lartë të Drejtësisë Nr. 261/2, datë 14.04.2010 "Sistemi i Vlerësimit të Gjyqtarëve".Në përfundim, Këshilli miratoi aktet e vlerësimit për gjyqtarët e mëposhtëm:Gjyqtare Flutura Hoxha, Gjykata e Rrethit Gjyqësor Pukë; Gjyqtar Andri Ymeri, Gjykata e Rrethit Gjyqësor Shkodër; Gjyqtare Meriban Mullaj, Gjykata e Apelit Durrës; Gjyqtar Bari Shyti, Gjykata Administrative e Shkallës së Parë Durrës; Gjyqtar Astrit Kalaja, Gjykata e Apelit Shkodër; Gjyqtar Dritan Seci, Gjykata e Rrethit Gjyqësor Tropojë; Gjyqtar Asim Vokshi, Gjykata e Rrethit Gjyqësor Tiranë; Gjyqtar Besnik Shehu, Gjykata e Rrethit Gjyqësor Korçë; Gjyqtare Altina Nasufi, Gjykata e Apelit Administrativ Tiranë; Gjyqtar Shkëlqim Mustafa, Gjykata e Apelit Tiranë.Si pikë të fundit të rendit të ditës, Këshilli vendosi delegimin e disa gjyqtarëve në shqyrtimin e çështjeve të caktuara gjyqësore, në gjykata të tjera nga ku ata janë emëruar për të ushtruar funksionin e gjyqtarit.