Konflikti në Siri, Miqtë diskutojnë në Turqi për të ndihmuar opozitën
Nga OraNews Përditësimi i fundit 20 Prill 2013, 19:21
Mbështetësit kryesorë ndërkombëtarë të opozitës siriane, takohen sot në Stamboll të Turqisë, për të diskutuar për mënyrat për t’i ndihmuar forcat, që po përpiqen ta përmbysin presidentin Bashar al-Assad.Pritet që sekretari amerikan i shtetit, John Kerry, të shpallë një ndihmë të re ushtarake jovdekjeprurëse për opozitën në Siri, në vlerë prej 130 milionë dollarësh.Rritja e parashikuar e ndihmës amerikane për opozitën në Siri po bëhet në periudhën kur vendet evropiane e shqyrtojnë mundësinë e lehtësimit të të embargos së armatimit, që kryengritësit të furnizohen me armatim dhe të shtohet presioni ndaj Assadit për tu tërhequr.Vendet kryesore të grupit “Miqtë e Sirisë” prej 11 anëtarësh, Shtetet e Bashkuara dhe vendet evropiane dhe ato arabe, ishin të bllokuara lidhur me mënyrën se si të largohet Assadi, forcat e sigurisë të të cilit i kishin vrarë dhe arrestuar mijëra protestues, që në muajin mars të vitit 2011 kishin dalë në rrugë për të kërkuar reforma demokratike.
